Sanpedroak 2015 Eskoriatzan

Eskoriatzarrek kalean hasi dituzte jaiak

Eguzkiak gogor jotzen zuen, eta eskoriatzar gehienek itzaletik entzun dute alkatearen pregoia. Joxerra Zubizarretaren hitzen ostean, Montse Horrillosek izan du txupina botatzeko ohorea. Txupina lehertu bezain pronto herritar nagusiek tabernetarako bidea hartu dute, eta gaztetxoek, hara eta ona ibili dira buruhandi eta erraldoiekin. 

Joxean Artzeren hitzak hartu ditu Joxerra Zubizarreta alkateak bere pregoian, eta jai fresko erakargarrik, parte hartzaile eta gozagarriak nahi dituela esan du. Gaur, harrotasun eguna ospatzen den honetan, Montse Horrillos txupinerak "dibertsitatea eta errespetua" aldarrikatu du. 

Txupina eta gero, plazan zegoen herriko bandak Eskoriatzako ereserkia jo du. Hauen ostean, dultzainek, erraldoiek eta buruhandiek bete dute Arana kalea. Arrasateko erraldoi konpartsa aritu da herriko kaleak alaitzen, eta horiekin batera, herriko gaztetxoak egindako buruhandiak ibili dira umeak zirikatzen. 

Erlazionatuak

Sanpedroak 2015: Hasi dira jaiak

Eskoriatza

Txupinazoaren ostean, jende gehiena plaza inguruan batu da. San Pedro jaietako lehen uneak kuadrilla edo familiako kideekin pasatzeko. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.