Aurtengo esaldi lehiaketan bederatzi taldek hartu dute parte, guztira 89 esaldi aurkeztuz. Lehiaketako talde irabazlea, Gero pentsaukou da: Tanborrero/a hasi, baserritar bukatu sanpredruak probatu barik ez zaittez geratu esaldiarekin. Egileak: Gadea Errasti, Iratxe Arrese, Miriam Isasmendi, Jaione Oianguren, Nerea Hernandez eta Ibone Arejolaleibar dira. Esaldi hau pegatinetan aterako da San Pedro jaietan, baina honez gain, beste hauek ere aterako dira:
- Sanpedrotan eguzki edo laiño kalien hobeto, etxien baiño. (Gero pentsaukou taldearena)
- Eskoriatzara ongi etorri, sanpedroratu nahi duen horri, beltz, zuri, hori nahiz gorri, edozein hizkuntza, erlijio, sexu edo jatorri. (Earrrto! taldearena).
Azken esaldia pegatinetan ere aterako dena Earrrto! taldearena da, eta honako hauek dira egileak: Karlos Gallardo, Bego de la Fuente, Camila Mejias eta Pako Hernandez. Lehiaketako irabazleak 150 Axtroki irabazi ditu eta gainontzeko esaldi irabazleek 50 Axtroki jaso dituzte.
