Glaukoma eta Kalakan Errekan Gora musika zikloan

Errekan Gora 2015 jaialdiko aurkezpena. Argazkia: Mirari Altube.

Eskoriatza musikaz jantziko duen Errekan Gora jaialdia prest du dagoeneko Atxorrotx kultur elkarteak. Azkeneko urteetan bezala, uztaileko aste bukaeratan egingo dute. Uztailaren 4an, zapatua, izango da lehenengo kontzertua. 4kotegehi7 taldeak eskainiko du, Huheziko klaustroan.

Errekan gora jaialdia "herrian errotuta dagoen" ekintza da, eta "interesa pizten du" bai eskoriatzarren artean eta baita bailarako gainerako herritarren artean ere. Hori da Beñat Herce Eskoriatzako jarduneko alkateak aurkezpenean adierazi duena.

Egitaraua

Atxorrotx kultur elkartetik, Juan Luis Zubizarretak eta Iñaki Kortazarrek aurkeztu dute egitaraua:

  • Uztailaren 4an, zapatua, 4kotegehi7 22:30ean Huhezin.
  • Uztailaren 11n, zapatua, Arozenatarrak 22:30ean Zaldibar Antzokian
  • Uztailaren 18a, zapatua, Glaukoma 22:30ean Gernika plazan
  • Uztailaren 24a, egubakoitza, Kalakan 22:30ean, Santa Marina plazan
  • Uztailaren 25a, zapatua, Fermin Balentzia 22:30ean, Hotela tabernan

Eskerrak babesleei

Antolatzaileek eskerrak eman nahi izan dizkie bai udalari eta baita gainontzeko babesleei ere –Fagor, Huhezi, Kutxabank, Zaldibar errotulazioa eta txistu taldea–. Aurrerantzean ere jaialdia antolatzen jarraitzeko gogoa azaldu dute Aitzorrotz elkarteko kideek.

Erlazionatuak

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.