Txomin Txapel eguna Huheziko ikasleek bultzatutako jaia da, baina aurten zoritxarrez, ez da inplikazio handirik egon ikasleen aldetik. Horregatik, bazkal ostera arteko egitaraua dago soilik.
Ekintza guztiak Olazar enparantzan egingo dira, nahiz-eta festa herrira zabalduko den seguruenik. 10:00etan marmitako lehiaketa hasiko da, eta lehiaketan lau taldek hartuko dute parte. 11:00etan berriz, sortzaileen gunea jarriko da. Bertan musika ekipoa izango da, eta nahi duenak mota guztietako adierazpen artistikoak egin ahalko ditu; kantua, musika instrumentuekin ekitalditxoak, dantza…
14:00etan marmitako lehiaketari amaiera emango dio epaimahaiak, eta bazkaltzen hasiko dira. Bazkaldu ondoren, trikitia egongo da eta festarekin amaitu edo jarraitu, norberaren esku geratuko da.