Musikarekin ospatu dute Atxorrotx Kultura Elkartearen Eguna

Herriko plazan giro bikaina izan zen Atxorrotx Kultur Elkartearen egunean.

Atxorrotx Kultura Elkarteak hamar urte bete ditu aurten eta egun osoko jaia egin dute Eskoriatzan. Goizean; talo eta sagardo postuak, gaztelu puzgarriak, tenisean ibiltzeko sare erraldoia, musika… izan zituzten herriko plazan, eta giro bikaina izan zen batez ere gaztetxoentzat. Gero, elkartearen logotipo berriaren aurkezpena egin zuten eta kamisetak saldu zituzten 10 eurotan. Eguerdian berriz, herri bazkaria izan zuten Hotela tabernako terrazan, eta arratsaldean beste hainbat ekintzekin jarraitu zuten jaia.

Bazkal ostean, tonbola, bertsoak… izan zituzten eta umeentzako jokoak ere izan ziren plazan goizean bezala. 19:00etan kontzertuak hasi ziren eta eguraldia lagun, Jon Gurrutxagaren kontzertu akustikoa izan zen lehen emanaldia Inkernu tabernaren kanpoaldean. Batez ere, familiak izan ziren musika akustikoaz lasai-lasai gozatzen. Ondoren berriz, Leire eta Eneritz arrasatearren trikiti doinuek dantzan jarri zituzten Eskoriatzarrak, eta erromeriak giro bikaina ezarri zuen kale osoan.

Eskoriatzarrak dantzan zebiltzan bitartean, ziza zozketa mundiala ere izan zen bide batez (saritua 366 zenbakia). Egunari amaiera emateko berriz, gauean Dj Makalak girotu zuen Inkernu taberna, eta jaiak gaueko ordu txikietara arte iraun zuen.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.