Erabakitzeko eskubidearen alde josiko dute eskoriatzarrek

Imanol Beloki 2015ko api. 23a, 15:40

Zapatuan Ehuntze Eguna ospatuko da Eskoriatzan, Gure Esku Dago ekimenak antolatuta. Azken asteotan, familian, taldeka, lagun artean… oihal zatietan marrazkiak, bertsoak, mezuak, iritziak, sinadurak eta halakoak egin dituzte Eskoriatzako herritarrek, eta zapatuan, bildutako oihal zati guztiak elkarren artean josiko dituzte.

Ekitaldia 18:30etik 21:00etara bitartean izango da, eta festa giroan hainbat ekintza izango dira herriko plazan. Haurrentzako tailerra, kalejira oihalekin, musika, pintxoak, Hankamotx bertso-eskolaren eskutik bertsoak… Guztia, askotariko borondateen batura eta erabakitzeko eskubidearen alde.

Ekainak 21: ekintza nagusia

Gure Esku Dago ekimenaren aurtengo ekintza nagusia ekainaren 21ean izango da. Herrietan eta auzoetan borondatez jositako oihalen bitartez, hautetsontzi erraldoiak eraikiko dituzte, 17:30ean.

Hain zuzen ere, Bilbon –San Mames–, Donostian –Anoeta–, Gasteizen –Buesa Arena–, Iruñean –zezen-plaza– eta Baionan –zehazteke dago– izango dira ekitaldi nagusiak.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak