Zortzi taldek eman zuten izena, baina azkenean denek ere ez zuten parte hartu, eta parte-hartzaileetatik batek ez zuen garaiz bukatu filma. Emandako gaia hau zen: "Esko Label"; eta derrigorrez film guztietan agertu beharreko objektua, porrua.
Hauek izan ziren parte-hartzaileak:
1- Dwingi-Dwingi: Esko Label FC (Oñati)
2- Kalabaza Productions: Bharaz-kiri (Oñati)
3- LPM eta lagunak: Esko Label (Oñati)
4- Mainontziak: Sinajo, Konporru (Eskoriatza)
5- Perrexilak: Berde-berdea (Eskoriatza) (Arazo teknikoengatik ez zuten bukatu filma, baina Interneten egongo da ikusgai)
6- Eskoriatzako Gaztelekua: Altza porru (Eskoriatza)
Irabazleak:
1. saria: LPM eta lagunak
1. aipamen berezia: Mainontziak
2. aipamen berezia: Eskoriatzako Gaztelekua
Publikoaren saria: Eskoriatzako Gaztelekua
Antolatzaileek azpimarratu dituzte giro ona, batetik, eta eskoriatzarrek eman duten erantzuna, bai parte-hartze aldetik, bai publiko aldetik ere.
Filmen maila ere nabarmendu dute, talde guztiek "oso ondo" lotu dituztelako gaia eta objektua eta, bestalde, euren artean oso desberdinak izan direlako film guztiak.
Eskoriatzako gaztelekuko taldeak egindako lanak ere oso modu onean harritu ditu antolatzaileak, parte-hartzaileen adinarengatik (15 urte inguruko gaztetxoak).
Epaimahaia Kepa Errastik, Aitor Agirianok eta Jose Angel Petralandak osatu dute.
Eskoriatzarrek erantzun bikaina eman diote Ti Tau! film lehiaketari
Giro bikainean eta publiko askorekin egin dute aurtengo Ti Tau!, Eskoriatzako film laburren lehiaketa. Bost film labur eman ziren Zaldibar aretoan, 110 ikusleren aurrean, egun osoko grabaketaren ondoren; azkenean, LPM eta lagunak taldeak irabazi zuen lehenengo saria, eta Eskoriatzako Gaztelekuko taldeak, publikoaren saria.
Erlazionatuak
Ti Tau! film labur lehiaketa
2015 api 19 Eskoriatza
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
