Eskoriatzako Atama kenpo taldeko bi borrokalari Turkiako Antalya hirian jokatuko den Munduko txapelketan izango dira: Ariane Piñero eta Joseba Izurrategi. Euskadiko eta Espainiako txapelketak irabazi ostean lortu dituzte borrokalariek munduko lehiaketara joateko txartelak. Apirilaren 27tik maiatzaren 3ra bitartean izango da txapelketa.
Hiru sailetan lehiatuko dira
Piñerok eta Izurrategik hiru modalitatetan parte hartuko dute: kumite borrokaldia, katak eta defentsa pertsonala. Entrenatzaile eta zuzendari tekniko Rafa Carrietekin batera izango dira Piñero eta Izurrategi Turkia aldean.
2013an Atama kenpo taldeko Josu Letona Munduko txapelketan izan zen; orduan, txapeldunordearen garaikurra ekarri zuen Letonak.
Laguntza beharra dute
Atama kirol taldeak, Rafa Carriet zuzendariaren izenean Munduko txapelketan taldearen parte-hartzea bermatzeko laguntza eskatu du. Hara joateko, 3.000 bat euro beharko dituztela kalkulatu dute. Harremanetarako: rafa@carriet.net.
Espainiako hautatzailea
Rafa Carriet eskoriatzarra kenpoko Espainiako hautatzaile izendatu dute 2015erako.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak