Eskoriatzan emakumezkoen selekzio txiki bat sortu dute, Eskoriatzako jokalariekin batera Aramaiokoak, Aretxabaletakoak, Arrasatekoak eta Elgoibarkoak ere badaudelako. Kategoria txikietan neskek mutilekin batera joka dezakete, baina adinean aurrera egin ahala jokatzen jarraitzeko aukera barik geratzen ziren, eta aurrerantzean ez dute halako trabarik izango.
Eskoriatzako emakumezkoen areto futbol taldea.
Liga, datorren astean
Gaurko torneoa taldea etxeko zaleen aurrean aurkezteko aitzakia izan da, baina seguruenik datorren asteburuan hasiko dute liga txapelketa –zehaztu barik dago. Hala, Enrique Iregik zehaztu du lehenengo urte honetako helburua kategoriari neurria hartzea izango dela, datorren urtean seriotasun handiagoz lehiatzeko: "Orain garrantzitsuena taldea sortzea zen" [Bideoan adierazpen gehiago].
