Egubakoitzetik domekara (hilaren 20tik 22ra) jokatu zuten munduko mushing txapelketa. Askotariko diziplinak jokatu zituzten. Itoitz Armendaritz eskoriatzarra distantzia ertainean eta sei txakurrekin lehiatu zen.
Lehen proba egubakoitzean jokatu zuen. 20,5 kilometrokoa. Hirugarren denbora onena egin zuen: 50.26,8. Monika Frauchiger eta Isabelle Lemoine izan ziren onenak.
Bigarren proban, zapatukoan, bi ehunenekorengatik, denbora onena egin zuen. 41 kilometro egiteko 1.56.06,7ko denbora behar izan zuen. Rudolf Chlad eta Isabelle Lemoine izan ziren bigarrena eta hirugarrena, hurrenez hurren.
Azken proba erabakigarrian ez zuen areriorik izan: 1.58.03,8ko denbora 41 kilometro egiteko. Lau minutuko aldea atera zion bigarrenari (Karl Habermann) eta bost hirugarrenari (Martin Vrtel). Armendaritzekin lehian zeuden musherrak atzerapen handiarekin heldu ziren helmugara.
Emaitza horiek aintzat hartuta, eskoriatzarrak irabazi zuen munduko txapelketa. Bigarrena Rudolf Chlad izan zen eta hirugarrena Karl Habermann.
