Gaikako bilketak "izugarrizko gorakada" izan duela atez atekoa jarri zenetik dio Udalak

2014ko gaikako bilketako datuak.

Eskoriatzako Udalak 2014ko gaikako bilketako datuak eman ditu eta pozik azaldu dira ordezkariak atez ateko hondakin bilketa sistema jarri zenetik gaikako bilketak "izugarrizko gorakada" izan duelako. Hala, Hondakinen Mahaiak adostutako gaikako bilketaren kopuru minimoa, %70, "aise gainditu" dutela eskoriatzarrek diote.

Hala ere, oraindik badagoela zer hobetu uste dute, eta horretarako, larrialdi guneko erabilera errazteko telefono bidezko sistema jarri dute martxan.

Orain arte udaletxera edo kiroldegira jo behar izaten zen larrialdi guneko giltzaren bila. Orain, ostera, 943-25 22 88 telefono zenbakira deitu behar da eta bertan emandako jarraibideak jarraitu (tartean deitzailearen 12 digitutako zabor zenbakia eskatuko da, ontziko pegatinaren goiko aldean agertzen dena). Kode bat emango da eta horrek larrialdi guneko atea irekiko du (hemen argibideen orria).

Argibide gehiagorako edota edozein arazotarako hondakinen bulegora jo:

Martitzenetan: 10:00-14:00 eta 15:00-19:00
Eguenetan: 10:00-14:00
Tel.: 943-71 54 53
Helbide elektronikoa: hondakinak.eskoriatza@debagoiena.com

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.