Kinttaden festa handia

Laugarren urtez ospatu dute eskoriatzarrek Kinttada Eguna. Goizean ekin diote festari eta kuadrilla ezberdinek herriko tabernak bete dituzte. Eguraldia hotz zegoen eta askok kalean egon baino, nahiago izan dute tabernetan egon. 

"Umorea, algara eta urte berekoekin batzeko gogoa, hori da egun honetan garrantzitsuena", esan du eskoriatzar batek. Laugarren urtez ospatzen den festa hau bizkor errotu da herrian, eta egun, adin tarte guztietako jendea irteten da egun berezia ospatzera.

Ederto bazkaldu eta mahaiaren buelta pasadizo ugari gogora ekarri ostean, kinttadak tabernetara bueltatuko dira eta eguna 00:00etan bukatu den arren, asko domekari ordu batzuk lapurtuko dizkiote kalean.

Festarako uniforme beharrik ez dagoen arren, kinttada gehienek taldea identifikatzen duen zapi edo kamiseta bat zeramaten. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.