Gosariak diska berriko abesti guztiak jo zituzten eta baita aurreko lanetako beste lau bat kantu ere. Gainera, eskupeko eta guzti egon zen: Ines abeslariak azaldu zuen moduan, ez dute bis-ik egiten, baina atzo, Euskalakari kantuarena egin zuten. Gustura, lagun artean eta erlaxatuta zeudelako, akaso. Eszenografia ere polita zen, argi-panelekin musikarien atzean hesi antzekoa eginda.
Zaldibar antzokia erabat bete ez zen arren, jende ugari batu zen kontzertuan eta amaieran, Gosek jarritako liburu zurian mezuak idazteko aukera izan zuten. Liburu hori kontzertu guztietara eroango dute eta bira bukatutakoan, Joseba Sarrionandiari bidaliko diote.
Bideoan, atzo, zapatua, Eskoriatzan egindako kontzretuan abestutako Katuen kantua abestia entzun daiteke.