Gaur goizean egin dute inaugurazio ekitaldi ofiziala eta arratsaldean izan da herritarren txanda. Hala, herritar mordoa hurbildu da antzoki berritua nola gelditu den ikustera. Udalak hiru saio antolatu ditu, lehena 18:00etan, bigarrena 19:00retan eta hirugarrena 20:00retan herritarrak hurbildu zitezen eta hirurak bete egin dira.
Zaldibar antzokiak azken hamarkadetan izan dituen erabilerak azaltzen dituen bideoa eskaini dute saio horietan eta ondoren, herritarrek euren kabuz antzokia ikusteko aukera izan dute. Ez da hitz txarrik entzun, kontrakoa; jendeari gustatu zaio eta kulturgune eta erabilera anitzeko gela moduan funtzionatuko duela uste dute.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.