Gabonetako apaingarriak
Merkatu txikiari bultzada handiagoa emateko, bestalde, urre kolore itxurako alfonbrak jarriko dituzte komertzioetan, komertzioak koloreztatuta herritarrak erakartzeko asmoz. Komertzioen ateetan, berriz, mihura-adar bat jarriko dute, Eguberri ukitua areagotzeko. Baina ekintza esanguratsuena axtroki monetaren aldaketa izango da.
Axtrokiak lortzeko gunea
Urtean zehar egiten den moduan, hilaren 19an ere axtrokiak euroengatik aldatzeko "banku bat" egongo da. Berrikuntzekin datoz, gainera: 50 euroren truke 55 axtroki jasoko ditu moneta aldaketa egiten duenak. 20 euroren truke, berriz, 22 axtroki jasoko ditu.
Axtroki zozketa
Hemen bizi, hemen erosi lelopean, 1.500 axtroki zozketatuko dituzte herriko merkatariek. 500 axtrokiko bi sari eta 100 axtrokiko bost sari banatuko dituzte, eta sariren bat jasotzen duenak hilabeteko epea izango du Axtroki Merkatari Elkarteko dendetan nahi duena erosteko. Zozketa 2015eko urtarrilaren 5ean izango da, 13:00etan, herriko plazan. Hain zuzen ere, Eskoriatzako 26 dendatan axtrokiak gastatzeko aukera izango du saria jasotzen duenak.
Urtarrilerako plana
2015eko lehen ekintza urtarrilean izango da, Hemen bizi, hemen erosi zozketarekin. Baina nahiz eta eguenean egin zuten bileran erabaki zehatzik ez atera, aldaketa eta berrikuntzak egingo dituzte datorren urtean.
