Herritarren eskubide sozialen eta lan eskubideen aurkako erasoen aurrean erantzuna emateko eta gizartean eta instituzioetan aldaketa sakona eragiteko sortu da.
Oinarriak eta arauak adostuta
Ekimen sozial eta politiko anitz eta komuna bultzatzea da asmoa, eta gutxieneko oinarriak adostuta daude. Horretarako, arau batzuk bete beharko ditu ekimenak: demokrazia, gardentasuna, parte-hartzea, feminismoa eta aniztasuna. Ekimenak demokratikoki funtzionatuko du eta irekia izango da; beraz, parte hartu nahi dutenek horretarako aukera izango dute. Parte-hartzaileek askatasun osoz antolatu eta zehaztuko dituzte erabakitze esparruak, hautagaitzak aukeratzeko modua, hautagaiei exijituko zaizkien bermeak eta beharrezkotzat jotzen dituzten beste alderdi guztiak.
Bestalde, gardentasunez funtzionatuko du Irabazi Eskoriatza ekimenak. Hautetsiek hiritarren kontrola onartzeko konpromisoa hartuko dute, baita kode etiko bat ere, eta hautetsiei kontuak eskatzeko mekanismoak ekimeneko parte-hartzaileek eurek ezarriko dituzte.