Eskoriatzako emakumezko seniorrak, laugarren garaipenaren bila

Eskoriatzakoak neskak baloiaren bila.

Eskoriatzako senior mailako emakumezko saskibaloi taldeak Ayma Goierriren aurka jokatuko du gaur, 20:15ean, Manuel Muñoz kiroldegian. Zazpigarren postuan daude Eskoriatzako neskak, bederatzi punturekin, eta, sailkapenean gora egiteko, irabaztera irtengo dira zazpigarren jardunaldi honetan.

Aurreko partiduan, Bidasoa Optika Errobide Irunen aurka, ozta-ozta irabazi zuten, 40-42, baina, hala eta guztiz ere, gogotsu irtengo dira garaipenaren bila. Izan ere, aurkariek 54-72 galdu zuten aurreko jardunaldian, Bera Bera Grosen aurka, eta etxean jokatuta aukera bikaina dute puntuak etxean geratzeko.

Laugarrenaren bila

Denboraldia luzea da oraindik, eta dagoeneko hiru partidu irabazi dituzte Eskoriatzako neskek: bi etxean eta bakarra, azkena, kanpoan. Ea etxean jokatuta eta zaleen animoekin garaipena lortzen duten.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.