Herriko abeslariak ere, pailazo ezagunen ikuskizunean protagonista

Sarrera guztiak agortu ez baziren ere, lepo bete zen atzo, zapatuan, Manuel Muñoz kiroldegia, Pirritx, Porrotx eta Marimots pailazoen Txo, mikmak txikia ikuskizun berriaz gozatzeko. [ARGAZKIAK]

Gaur egun sortzen ari garen plastikozko kontinentearen gaineko hausnarketa egitea du helburu istorioak. Ternuatik etorritako mikmak indiarraren laguntzarekin, garai baten balez betetako itsasoa garbitzeko abenturan murgildu zituzten ikusleak. Bidean topatutako askotariko pertsonaiekin, euskal arrantzalea eta Porrotxin tartean, Plastiker gaiztoari aurre egitea lortu zuten.

Herriko haurrak kantuan

Zapatuko abenturan ere, kantu berri eta zaharragoak batuta, pailazoek dantzan jarri zituzten ikusleak, horien artean zeuden: Gure esku dago abestiaren moldaketa bat, Niko Etxarten garai bateko Euskal Herria rock n´roll eta Eskuetan kantu ikurra.

Amaiera bitxia izan zuen baina zapatuko emanaldiak, ez zuten-eta ohitura duten moduan, Maite zaitut abestiarekin bukatu saioa. Haren lekua, San Pedro jaietan egin zuten Herrixa elkartuz ikuskizuneko kantu batek hartu zuen. Herriko haurrek osatutako abesbatzak pailazoekin taula gaina partekatuz, ederto borobildu zuten, bada, emanaldia

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.