Itsasoaren bestaldetik iritsi den indiarra aurkeztuko dute: Txo mikmak indiarra. Baita egurrezko ametsak esna egiten dituen Aitona Roke arotza ere. Biak Pirritx, Porrotx eta Marimototsekin batuko dira mundua aldatzeko plana egiteko. Izan ere, itsasoa plastikozko zabortegi bihurtzen ari da, eta balea bat gaixorik iritsi da hondartzara. Hala, Albaola ontziolan San Juan baleontzi berria eraikiko dute, bertako kapitaina sagua izanik. Ekaitz eta haize bortitzetatik pasata, bira emango diote munduari, eta egurrezko ametsak maite ez dituen Plastiker garaitu.
Sarrerak salgai
Sarrerak gaur jarriko dira salgai Manuel Muñoz kiroldegiko leihatilan, sei eurotan. Antolatzaileek adierazi dutenez, adin guztietakoek beharko dute sarrera sartzeko.
Sarrerak lortu nahi dituenak kiroldegira joan beharko du ordutegi honen barruan: martitzenetik egubakoitzera: 07:30-21:00, zapatuan: 09:00-13:00; eta domekan, berriz, 16:00-20:00.
