Lehiaketan edonork har dezake parte, ez dago inolako baldintzarik. Hona lanak izango dituen ezaugarriak: neurria, 21 x 5,50 zentimetro; eta teknika eta gaia libreak.
Orri-puntuak egilearen izenik gabe aurkeztuko dira bibliotekan. Bakarrik landu behar da alde bat, eta atzeko aldean lelo bat jarri. Horrekin batera, gutun-azal itxi batean lelo bera eta egilearen datuak adieraziko dira.
Epaimahaia nortzuk osatu duten esango da erabakia ezagutzera ematen den egunean bertan. Eta haren erabakia aldaezina izango da. Lan saritua Udalaren eskuetan geldituko da. Antolatzaileek egoki ikusiz gero, aurkeztutako lan guztiekin erakusketa egingo dutela iragarri dute.