EAJko zinegotzi den Puri Regidorrek eskoriatzarren iradokizunak eta kezkak entzun gura ditu

Puri Regidor zinegotzia.

Herritarren iradokizunak, proposamenak eta kezkak jakin gura ditu Puri Regidorrek, Eskoriatzako EAJko zinegotziak, eta horretarako eguazten arratsaldetan udaletxeko zinegotzien bilera gelan egongo dela iragarri du, 18:00etatik 19:30era bitartean.

Hitzordua egiteko udaletxera deitu dezakete herritarrek, eta beste ordutegi bat eskatzeko aukera ere badagoela jakinarazi du, merkatariendako, esaterako. Hona zenbakia: 943-71 44 07. Eta honako helbidera mezu bat ere bidal daiteke: eaj-pnv@eskoriatza.net.

Harreman zuzena

Ekainean izendatu zuten Regidor zinegotzi, Aitor Urrutiaren ordez, eta orduan dagoeneko jakinarazi zuen eskoriatzarrekin "harreman zuzena" izateko asmoa. Kalean jendeak egiten dizkiola eskaerak eta proposamenak esan du, baina modu "zabalagoan" eta leku "egokiagoan" hartzeko aukera eskaini gura die orain. EAJko ordezkariek zera gaineratu dute: "Regidorrek herritarrekiko harreman zuzena sustatu nahi du bere zinegotzi karguari zuzeneko esperientzia eta proposamenak gehitzeko".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.