"Haurren heziketan eta komunikazioan aditua den Nerea Mendizabalekin antolatu dugu zikloa, hiru gai nagusi jorratzeko", jakinarazi du Maider Etxanizek, Gazteria teknikariak. Eta gai horiek dira: emozioak eta mugak; zigorrak eta aukerak; eta errespetuzko komunikazioa. "Psikopedagogian lizentziatua da Mendizabal, Gizarte Hezkuntzan diplomatua, hezitzailea haur masajean eta guraso, hezitzaile eta haurren harremanetan aditua", gaineratu du Etxanizek. Saio horiek, batez ere, 12 urte bitarteko haurrak dituzten gurasoei, hezitzaileei eta irakasleei zuzenduta daude, baita interesa duten gainerakoei ere.
Egitaraua
- Urriak 23
Hitzaldia: Haurren emozioak eta mugak.
Non: Kultur etxean.
Ordua: 15:00etan, gazteleraz.
Ordua: 17:30ean, euskaraz.
- Urriak 30
Hitzaldia: Zigorren aurrean beste alternatiba batzuk.
Non: Kultur etxean.
Ordua: 15:00etan, gazteleraz.
Ordua: 17:30ean, euskaraz.
- Azaroak 6
Hitzaldia: Errespetuzko komunikazioa bizitzarako komunikazioa.
Non: Kultur etxean.
Ordua: 17:30ean, euskaraz.
- Azaroak 17
Hitzaldia: Errespetuzko komunikazioa bizitzarako komunikazioa.
Non: Kultur etxean.
Ordua: 15:00etan, gazteleraz.
Izenematea urriaren 8tik
Izena emateko epea datorren eguaztenean, urriak 8, zabalduko dute. Eta eman ahal izango da honako lekuetan: Jose Arana; Luis Ezeiza; Almen; eta kultur etxea (Gazteria zerbitzua).
Hitzaldi bakar batean edo hiruretan (euskaraz eta gazteleraz egingo dituzte hirurak) eman daitekeela jakinarazi dute antolatzaileek "norberaren interesaren arabera". Azken eguna urriaren 21a da.
