Bigarren eskuko bizikleta azokarako materiala jasotzen hasiko dira gaur kiroldegian

Bizikletak saltzeko gertu.

Gaur, irailak 8, hasi eta irailaren 17ra bitartean bigarren eskuko bizikleta azokarako materiala jasoko dute Manuel Muñoz kiroldegian. Hona ordutegia: 10:00etatik 13:00etara eta 16:00etatik 20:00etara.

Bigarren eskuko bizikleten azoka egingo dute datorren irailaren 19an, egubakoitza, Mugikortasun Jasangarriaren Europako Astearen barruan. Bizikletak (helduenak eta umeenak), trizikloak, patinak, patineteak eta kaskoak jarriko dituzte salgai beste batzuen artean, eta ordurako aurrez eraman behar da materiala. Gaurtik irailaren 17a bitartean dute epea interesatuek.

Salneurria norberak jarri

Udalak antolatu du azoka hori eta saldu gura den materiala egoera onean egon beharko dela jakinarazi. Salneurria, ostera, jabeak jarriko dio. Azokan saltzen ez den materiala eta saldutakoaren dirua jabeari itzuliko dizkiote irailaren 25ean, eguena. Kiroldegira jo beharko dute horiek jasotzeko (10:00-13:00 eta 16:00-20:00).

Bizikleta irteera

Azokaz gain beste hainbat ekintza izango dira aste horren barruan Eskoriatzan: Debagoieneko trenaren gaineko tertulia, hilaren 16an; goitibeheren eta bizikleta aparkalekuen gaineko ikastaroa, 17an; eta Urkulura bizikleta martxa hilaren 21ean, domeka.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.