Uztailean Jose Arana kalean loreontzi erraldoiak ipini zituztenetik bigarren aldiz, horietako batek lurrean bukatu du. Oraingoan, baina, ez da bandalismoaren ondorioa izan, istripu batena baino. Auto-gidariak ihes egin du.
Eskoriatzako Udaltzaingotik emandako xehetasunen arabera, iluntze partean, aparkatuta zegoen auto bat atzerantz irteten ahalegindu zenean, loreontzi erraldoia kolpatu eta lurrera bota zuen. Eta guztion harridurarako, gainera, auto-gidariak ihes egin zuen istripua izan ostean.
Loreontzia dagoeneko bere lekuan ipinita dagoela jakinarazi dute.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
