Azkenaldian asko dira patinetan ibiltzea gustuko dutenak, eta ohikoa izaten da gurpilak oinetan dituztenak herriko kaleetatik zein bidegorritik ikustea.
Antolatzaileak horretaz jabetu ziren eta orain dela bost urte hasi ziren Patin Gaua antolatzen; hasiera batean, eskoriatzarrek bakarrik parte hartzen bazuten ere, urteekin zabaltzen joan da hitzordu hori, eta gaur egun, inguruko herrietakoak ere etortzen dira topagune horretara.
Tren geltoki zaharretik
Esan bezala, 22:00etan emango diote hasiera martxa herrikoari. Bidegorrira joango dira jarraian, eta tren geltoki zaharretik gora eta behera, ordu eta erdi inguru ibili ostean, plazara itzuliko dira parte-hartzaileak. Urtero moduan, txokolatea eta zukua banatuko dute guztien artean.