Bibote festa, joko berriak eta 'playback'-a txosnetan

zan ere, hilaren 27an, egubakoitza, emango diete hasiera jaiei. Bibote Eguna ospatuko da egun horretan lehen aldiz, eta arratsaldean egongo den photocall-ean argazkia atera beharko da benetako bibotearekin edo artifizialarekin; sari banaketa gauean egingo dute. Bestelako berrikuntzarik ere izango da: hilaren 30eko Kuadrilla Egunean joko berriak egingo dituzte.

Aurten ere Eingeinkeko kideak, presoen lagunak eta herritar talde bat ibili dira txosnetako egitaraua gertatzen. "Ez da, baina, egitarau soila. Gure nahia da gune alternatibo, libre eta dibertigarria sortzea. Gune bat non ez diren errespetu faltak onartuko, ez eta jarrera xenofobo, homofobo edo matxistarik", azaldu dute Txosna Batzordeko kideek.

Hasiera berezia

Txosnetan jaiak egun bat lehenago hasiko dituzte: Bibote Eguna ospatuko dute egun horretan. Txosnetan photocall-a jarriko dute eta parte hartu nahi dutenek argazkia atera beharko dute bertan. Gauean egingo dute sari banaketa, eta sariak horrela sailkatuko dituzte: bibote natural onena, bibote artifizial onena eta Txirotutako Uranioak saria.

Horrez gain, Eskoriatzako IV. bandera egongo da jokoan. Parte hartzeko izena eman beharko da, hilaren 25a baino lehenago, Inkernun, Aldatzen edo Facebooketik mezu bat bidalita. Gauean, playback txapelketa egingo dute.