Ikasleen jaialdiarekin emango diote hasiera egunari 11:00etan, plazan; bertan, Haur Hezkuntzakoek eta Lehen Hezkuntzako 1. eta 3. mailakoek prestatu dituzten abestiak eta dantzak eskainiko dituzte, 5. mailako neska-mutikoek bertsotan aurkezturik.
Hori bukatzerakoan eskolako partaide guztiok (ikasleek, irakasleek zein gurasoek) eskolako abestiarekin flashmoba grabatuko dute toki berean. Eta jarraian, irakasle eta gurasoak elkarlanean, umeendako askotariko tailerrak egingo dituzte.
Etxetik ekarritako jana
Bazkari herrikoia ere egingo dute ikastetxeko arkupeetan; bakoitzak etxetik ekarritako platerak dastatzeko aukera izango da bertan. Eta eguna amaitu aurretik, puzgarriez gain, disko festa ere izango dute umeek, dantza egin dezaten.