Pintura erakusketa zabalduko dute gaur, astelehena, Eskoriatzako Ibarraundi museoan; hain justu, Xabier Oianguren eskoriatzarraren lanak ikusteko aukera izango da egubakoitzera, maiatzak 23, arte honako ordutegian: goizez, 09:00etatik 14:00etara; eta arratsaldez, 17:00etatik 19:00etara bitartean.
Erakusketa Gipuzkoa izena du, eta horretan, lurraldeko askotariko lekuak irudikatu ditu margolariak. Besteak beste, baserriak, elizak eta paisaiak ikusiko dituzte bisitariek museoko beheko solairuan dagoen erakusketan. Eskoriatzako San Pedro eliza ere irudikatu du Xabier Oianguren.