Irantzu, euskaraz pentsatzen eta sentitzen duen, eta, ahal duenean, euskaraz diharduen gazte eskoriatzarra da. Antzerkian, gazteleraz hitz egiterakoan sortzen zaizkion arazoak eta bizipenak azaltzen dira. Hizkuntza transmisioaren, emetasunaren eta genero rolen inguruko hausnarketak ere eragingo ditu talde arrasatearraren lanak, umorea erabiliz betiere.
Idoia Etxeberria oñatiarrak idatzitako gidoia da, eta Olatz Pagalday Eskoriatzako aktoreak eraman du oholtzara. Orain dela bi hilabete inguru estrenaitu zuten Erdaldun berrien kluba Arrasateko gaztetxean, eta Eskoriatzako emanaldiaren ostean, Aretxabaletako zineman dute hitzordua, maiatzaren 9an.
AEDren antzezlanak
2011ko maiatzean estreinatu zuen Arrasate Euskaldun Dezagun elkarteak bere lehenengo antzerkia, Buah txabal!. Unai Iturriaga izan zen gidoilaria. Estreinalditik hona, ehun emanilditik gora egin ditu Jon Zubiagak bakarrik antzeztutako lanak.
Bi antzerkiek euskararen erabileraren gaia dute oinarri, izan ere, AED elkartearen ustez, "badirudi antzerkia formatu egokia izan daitekeela hizkuntzaren gaia euskaldunei modu atsegin eta erakargarrian gerturatzeko".