Datorren astean, 50 euroren truke 55 axtroki erosi ahal izango dira Eskoriatzan

Axtrokiak eskoriatzar guztiei zabaltze aldera, eskaintza berezia egingo dute datorren astean Axtroki merkatari elkarteko kideek. Hain justu ere, astelehenetik egubakoitzera bitartean, 50 euroren truke 55 axtroki itzuliko dizkiete bezeroei.

Merkatarien elkarteko kide Eider Kortazarrek azaldu digu asmoa dela moneta lokala herritar guztiei eskaini ahal izatea, eta ez bakarrik tokiko garapena sustatzeko Udalak emango dituen diru laguntzen bidez jasoko dutenei. Horrekin batera, jakinarazi du eskaintza mugatua dela, eta, hortaz, trukea ahalik eta azkarren egitea gomendatu du; gainera, esan bezala, bost egun baino ez du iraungo kanpainak. Bada, elkartea osatzen duten herriko 24 komertzioetan egin ahal izango da trukea.

Elkartearen eguna hilaren 15ean

Datorren asteko eskaintzaz gain, baina, bestelako ekintzak ere antolatzen dihardu Axtrokik; tartean, martxoaren 15ean, zapatua, egingo duten Axtroki merkatari elkartearen eguna.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.