Eduki hau partekatzeko esteka arbelera kopiatu da.
Eskoriatzako Olazar elkarteak Idiazabal gaztaren ibilbidea egiteko irteera geratu du martxoaren 19rako, eta interesatuek hilaren 13ra, eguena, arte dute apuntatzeko aukera, martitzen eta eguen goizetan, elkartearen bulegoan.
Izena ematearekin batera, 34 euro ordaindu behar dituzte elkarteko bazkideek.
Plan bikaina prestatu dute egun horretarako: 08:30ean egin dute hitzordua autobus geltokian eta handik, Idiazabalera joango dira, Gaztaren Interpretazio Zentroa bisitatzera. Bazkaltzera joan aurretik, Ordiziako azoka ikusiko dute; eta arratsaldean, Ornomuño baserria bisitatuko dute.