Bergarako ertzain-etxeko agenteek gidari bat atxilotu zuten atzo Eskoriatzan, bere ibilgailua galtzadatik atera eta aparkatuta zeuden atoi eta auto banaren kontra jo ondoren; gidariak gidabaimenik ez zuela-eta atxilotu zuten, epailearen aginduz.
17:00etan gertatu zen istripua. Eskoriatza parean, GI-3310 errepidetik zihoan auto bat galtzadatik atera zen, aparkatuta zeuden atoi eta auto banaren kontra joz; horiek enpresa bateko fatxadaren kontra jo zuten, ondorioz. Ertzaintzaren patruila bat bertara joan zen eta osasun-langileen laguntza eskatu zuen, biktima artatzeko; zauriak zituen buruan.
Agenteek beharrezko kudeaketak egin ostean, baina, istripua izan zuen gidariak ez zuela gidabaimenik egiaztatu zuten eta atxilotu egin zuten, epailearen aginduz; bide-segurtasunaren kontrako delitua egozten diote. Hori horrela, ospitalean artatu ondoren, ertzain-etxera eraman zuten, beharrezko izapideak egiteko.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak