Obrak, baina, ez dira amaituko. Langileek oraindik lanean dihardute erdiguneko biribilgunearen ingurunean, eta datozen asteotan Olazar eta Arbiñoste inguruetan hasiko dira lanean. Jakina denez, martxorako Bolibar eta Azkoaga Enea hotelaren arteko zatia ibilgailuendako mugatu eta oinezkoendako ireki gura da, eta hori ahalbideratzeko, bide alternatiboak egokitu behar dira aurretik. Hain justu, Olazarren, besteak beste, oinezkoendako zubia jarriko dute Telefonica ondoan; eta Arbiñosten ere, garbileku ondoan, egurrezko zubi berria izango dute oinezkoek. Horrez gain, ingurunea asfaltatuko da eta Arbiñoste eta Aranburuzabala kaleetako bidegurutzea zabalduko da.
Erdiguneko errepidea
Bestalde, herriko hegoaldea zeharkatzen duen errepide zatia ere asfaltatu da datozen asteotan; hain zuzen, Aranburuzabala kalea eta Dorleta eta Olazar arteko pasabidea. Iparraldeko errepide zatia dagoeneko asfaltuta dago, eta margotze eta seinaleztatze lanak falta dira.