Hainbat puntu ditu hitzarmenak: batetik, teknikoak formatzerakoan kluben arteko kolaborazioaz egiten da berba; horren harira, besteak beste, urtero hiru hitzaldi teoriko zein praktiko egitea adostu dute. Horrez gain, kluben arteko topaguneak ere aurreikusi dituzte; denboraldia hasi aurretik zein amaitzen denean egingo dituzte horiek.
Beheko kategorietan lanean
Bestalde, beheko kategorietan egiten den lanari ere garrantzia eman gura diote. Debagoiena zein Debabarrena osoan maila horiek indartzeko neurriak hartzea erabaki dute. Beste askoren artean, udalerriekin hitzarmenak egitea, eta horien bidez udaleku ibiltariak antolatu nahi dituzte,
Bestetik, ondo dabiltzan jokalariei erreferentziazko taldeetan jokatzeko erraztasunak ematea eta bi klubetako jokalarien arteko elkartrukea aurreikusten da; eta baita, Espainia mailan, bi elkarteetako jokalari gazteekin taldea osatzea ere.
Azkenik, Pavok nabarmendu du hasiera baino ez dela eta Gipuzkoako klub gehiagorekin nahi dutela elkarlanean lan egitea.
