Horma-irudien margoketa

Azken hilabeteotan izandako apurketei erantzuteko hainbat ekintza egingo dituzte datozen asteotan herriko ikastetxeetako ikasleek. Astelehenean, Haur Hezkuntzako umeek horma-irudiak margotuko dituzte. Luis Ezeizako neska-mutikoak 11:00etan hasiko dira horma-irudiak egiten liburutegiko eta Intxaurtxuetako jolas parkeetan; Arizmendikoak, berriz, 10:00etan egin dute hitzordua Aranburuzabalan eta Dorletan. Margotu ostean, esandako parkeetan itsatsiko dituzte horma-irudiak, horiek zaintzeko beharra aldarrikatzeko.