Udaletik nabarmendu dute gaur estreinatu duten webgunea "modernoa" sortu da, "intuitiboagoa, erabil-errezagoa".
Jakinarazi du arlo instituzionala jasoko duen atalean (hori da www.eskoriatza.net)) Eskoriatzako Udalaren informazioa argitaratuko dela. Soilik, Udalari dagokiona (iragarkiak, plenoko deiak, kontratuen datak, aurrekontuak...). Webgune hori Udalak zuzenean kudeatuko du.
Tramiteen atala
Atal nagusiak ditu horrek: Udala, Udal zerbitzuak, Eskoriatzako informazioa (zerbitzu erabilgarrienak, turismorari lotutako informazioa...). Garrantzitsuena, dena dela, oraindik zabaldu ez den Tramiteen atala izango da, herritarrak zuzenean bertatik hainbat tramite egiteko aukera eskainiko duena. Atal hori urtarrila bukaerarako bukatuta egotea espero da. Gainera, Udalarekin harremanetan jartzeko eta kexak eta iradokizunak egiteko formularioa ere badago.
Eragileak eurak kudeatzaileak
Bestetik, arlo sozialagoa jasoko duena (hori www.eskoriatzakoagenda.com webgunea da). Webgune honetan udalak antolatutakoak ez ezik, herriko gainontzeko eragileek antolatutako ekitaldiak ere argitaratuko dira, herriko ekintzen agenda izango da hau. Webgune hau momentuz Eskoriatzako Udalak kudeatzen du, baina helburua da aurrerago eragileak eurak izatea web kudeatzaileak.