Oñatiko LPM Produxions taldea 'Ti Tau' lehiaketako irabazle

Eskoriatzako film laburren lehiaketaren laugarren edizioa egin zuten zapatuan Eskoriatzan. Guztira bost taldek hartu zuten parte: horietatik bi ziren eskoriatzarrak, bi Oñatikoak eta bat Erromakoa. Hain zuzen ere, Eskoriatzan ikasten diharduen Erromako ikasle baten lagunek bidali zuten handik euren laburmetraia. Datu kuriosoa, zalantza barik. Aurtengo gaia: 'sexia nahiz eta harro nago'.

Lehenengo saria Oñatiko LPM Produxions taldeak eskuratu zuen, Betelux izeneko lanarekin. Epaimahaiak, baina, lanak izan zituen irabazlea aukeratzen, zalantzan izan baitziren oñatiarrei ala erromatarrei eman lehenengoa. Hori horrela, Erromako taldeari aipamen berezia egitea erabaki zuten: hori saritzeko, euskal produktuez betetako saskia bidaliko dute Erromara.
Epaimahaia osatu zuten Aitor Agiriano aktore eta kazetariak, Mari Karmen Arrieta Eskoriatzako Euskara teknikariak eta Jose Angel Petralanda, Eskoriatzako Kultura zinegotziak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.