Bereziki Lagun txakurra izan zen ikusle gaztetxoen gustukoena, baina horrez gain, Panpoxa furgoneta, Gorka, Txilipito, Igor, estralurtarra… eta beste haibat lagun berri ezagutzeko aukera izan zuten. Debekuak ez direla ezarri behar, begiekin ez bada ikusten bihotzarekin sentitu behar dela eta beste hainbat gauzagarrantzitsu erakutsi zizkieten etxeko txikienei –eta nagusiei–. Umeak ederki ibili ziren dantzan eta kantuan, euren saltsan, eta gurasoak ere asko disfrutatu zuten. Ikuskizun osoan ibili zuren umeak dantzan eta kantuan, baina bereziki amaierako azken kantuetan kiroldegi osoaren saltoak ikusgarriak izan ziren.
Musu ugari amaieran
Pirritxen, Porrotxen eta Marimototsen ikuskizun guztietan bezala, amaieran musu, besarkada eta argazkiak egin zituzten umetxoek pailazoekin.