Diana, Tatiago eta La Marcha de San Sebastian izan dira Beheko Errota Berri musika eskolakoek jo dituzten Sarrieguiren hiru obrak. Euskal Herriko musika eskolen taldeak iradoki zuen konpositore donostiarra omentzea eta Eskoriatzakoek bat egin dute dei horrekin.
Protagonista nagusiak umeak izan dira. Txikienek danborra eskuetan zutela eta helduagoek bakoitza bere instrumentua zutela ibili dira, irakasleen aginduak jarraituz. Musikarien gurasoak, familiakoak... ere bertaratu dira gazteek urte guztian zehar egiten duten lana ikusteko. Bukaeran umeak gustura agertu dira eta batzuek musikari izateko esperantza dutela esan dute.
Danborradaren ondoren, ondo merezitako txokolate-janaz disfrutatzeko aukera izan dute umeek eta baita ere bertaratutako guztiek.
Azaroak 22 egun seinalatua da mundu guztiko musikarientzat. Santa Zezilia eguna da eta Eskoriatzako Beheko Errota Berri musika eskolakoek danborrada egin dute udaletxeko kontzejupean. Santa Zeziliaz gain, Sarriegi konpositorearen heriotzaren mendeurrena ere gogorarazi nahi izan dute, bere zenbait doinu joaz. Danborradaren ondoren, txokolate-jana izan dute herriko kultur etxean.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak