Salgai daude Pirritx, Porrotx eta Marimotots pailazoen 'Bizipoza' ikuskizunerako sarrerak

Pirritx, Porrotx eta Marimotots pailazoek 'Bizipoza' euren azken ikuskizuna aurkeztuko dute Eskoriatzan, eta gaur, egubakoitza, ipini dituzte sarrerak salgai, Manuel Muñoz kiroldegian, 6 euroren truke.

Manuel Muñoz kiroldegian izango da Bizipoza ikuskizunaren emanaldia azaroaren 23an, 17:30ean hasita. Euren azken lanean Panpoxa furgoneta hartuta Txernobilgo lagun baten bila joan gura dute aireportura, baina matxura baten ondorioz, abentura ezbedinak biziko dituzte.

Gaur, azaroak 15, ipini dituzte sarrerak salgai. Kiroldegian bertan eskuratu daitezke, kiroldegiko ordutegian:

Zapatua: 09:30 - 12:30 eta 14:30 - 20:30

Domeka: 09:30 - 13:00

Astelehenetik egubakoitzera: 08:00 - 21:00

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.