Bigarren eskuko azoka egingo dute bihar Eskoriatzan

Etxeko armairuetan gordeta baina egoera onean dauden jostailuak, liburuak, kirol materiala edo arropari bigarren aukera eman ahal izango zaie bihar, zapatua, goizean egingo den bigarren eskuko azokan.

Aurreko edizioetan bezala, parte hartu gura dutenendako mahaiak jarriko ditu Udalak; hortaz, zerbait saltzeko interesa dutenek mahaia erreserba dezakete gaur, egubakoitza, arte kultura etxera deituta, 943 71 46 88 telefono zenbakian; edo kultura@eskoriatza.net postara mezua bidalita. Denera, 15 mahai inguru eskatu direla uste dute Udaletik.

Udal pilotalekuan

Azoka plazan egitea aurreikusita dago, 11:00etatik 14:30ra bitartean; baina eguraldi txarra egiten badu eta horrela dago iragarrita, udal pilotalekuan izango da. Gainera, salerosketak egiten diren bitartean, Rockalean taldeak azoka girotuko du, euskarazko, ingelesezko eta gaztelerazko bertsioak abestuz.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.