Itoitz Armendaritzen txakurrak eta lasterketan erabiltzen duen materiala ikusgai daude bihar

Txakurrak eta mushing edo txakurrekin menditik egiten diren lasterketak gustuko dituztenek hitzordua dute bihar, egubakoitza, 18:00etan, Ibarraundi museoan. Itoitz Armendaritz eskoriatzarrak horrelako lasterketan parte hartzerakoan eroaten duen materiala jarriko du ikusgai; dituen hamaika txakurrekin batera, lera eta arnesekin egongo da ordu erdi inguruz gura duenak gertutik ikusi ditzan.

Azalpenak ere emango dituela esan digu musher eskoriatzarrak. Jarraian, Los vinculos del musher ikus-entzunezkoa ikusteko aukera izango da museoan. Hogei bat minutu irauten duen ikus-entzunezkoan Armendaritzek lasterketak nola prestatzen dituen eta orain arte egindakoak nola bizi izan dituen azalduko da.

Solasaldia

Amaitzean, solasaldia eskainiko du lasterketatik kanpo dituen zereginen gainean, eta bereziki, bere txakur taldea zelan zaintzen duen jakinaraziko du.

Lasterketetan eskarmentua duen musherra da Armendaritz; beste askoren artean, Munduko Mushing Txapelketan eta Pirenan parte hartu izan du.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.