Lehiaketa hilaren 30ean izango bada ere, dagoeneko zabalik dago izen-ematea, www.eingeinke.org webgunean. Oinarriak ere hor jarri dituzte eskura: 09:30etik 10:00etara, lehiakideei gaia banatuko zaie Ibarraundin; gaia eta objektu bat, filmean agertu beharko dena. Horrez gain, herriko sei leku edo ezaugarri banatuko dira, eta horietatik, gutxienez, hiru azalduko dira.
Ekipoa norberaren ardura
Egun osoa grabaketak egiten eta filmak editatzen emango dute taldeek. Horren harira, antolatzaileek azaldu dute talde bakoitzak bere ekipoa ekarri beharko duela, eta antolakuntzak argindarra, ediziorako mahaiak eta Internetera konexioa jarriko dituela. Gehienez lau minutukoak izango diren lanak 19:00etan aurkeztu beharko dira.
Epaimahaiak filmak ikusi eta baloratzen dituen bitartean, parte hartzaileendako luntxa izango da. 21:30ean, lanak proiektatuko dira eta, jarraian, sari banaketa egingo da. Sari bakarra dago, 300 eurokoa.