Bai gaia eta baita teknika ere libreak izango direla eman dute aditzera, baina zehaztasun tekniko batzuk bete beharko dira: lanek tamaina jakin bat izan beharko dutela, hain zuzen. Hala, 21x5,5 zentimetrokoak izan beharko dute aurkeztutako lanek.
Sariari dagokionez, irabazleak 250 euro eskuratuko ditu. "Orri-puntu irabazlea aukeratu ondoren, egileak orri-puntuaren atzealdea diseinatu beharko du: hain zuzen ere, emango zaion testua eta egutegia hautatu beharko ditu".
Abenduaren 9a baino lehen aurkeztu beharko dituzte lanak interesatuek bibliotekan bertan. Egilearen izenik gabe baina lelo batekin aurkeztu beharko dira proposamenak; eta, aldi berean, eskutitz itxi batean lelo bera eta egilearen datuak ipini beharko dira.
Aretxabaletan ere abian
Aretxabaletako liburutegiak ere abiarazi zuen irakur-punturako irudia hautatzeko lehiaketa. Asteon izango da, gainera, parte hartzeko azken eguna; hala, interesatuek egubakoitza baino lehen aurkeztu beharko dituzte.
Aretxabaletako lehiaketan ere, gaia eta teknika libreak izango dira: "Marrazkiek ez dute literaturaz zerikusirik izan behar derrigor, eta eskuz zein ordenagailuz egin daitezke".
Sariari dagokionez, 200 euro jasoko ditu irabazleak.