Gaur, astelehena, Haur Hezkuntzako umeek horma-irudiak margotuko dituzte. Luis Ezeizako neska-mutikoak 11:00etan hasiko dira horma-irudiak egiten liburutegiko eta Intxaurtxuetako jolas parkeetan; Arizmendikoak, berriz, 10:00etan egin dute hitzordua Aranburuzabalan eta Dorletan. Margotu ostean, esandako parkeetan itsatsiko dituzte horma-irudiak, horiek zaintzeko beharra aldarrikatzeko.
Iritzia eman udaletxean
Horrez gain, bihar, martitzena, Eskoriatzako udaletxea hartuko dute umeek; osoko bilkura dute eta 10:00etan. Apurketen gaineko hausnarketa sakona egingo dute herriko ikastetxeetako neska-mutikoek, eta horren gainean duten iritzia ezagutarazteko aukera izango dute.
Datorren astean ere izango dute zereginik. Azaroaren 5ean, martitzena, bideoa grabatuko dute apurketen gaia oinarri hartuta.
Jardunaldiak
Bestalde, jardunaldiak ere egingo dituzte azaroan. Hain justu, Aldatzen proiektua jorratuko dute. Besteak beste, elkarbizitza, errespetua, ingurumena eta apurketak bezalako gaien gaineko azterketa egingo dute Luis Ezeiza ikastetxeko eta Arizmendi ikastolako zenbait ikaslek.