Jose Arana eraikin aurrean egin dute hitzordua 15:30ean, autobusez joateko. Marinera iristean Isasi baserriraino joango dira eta gero, ibilaldia egingo dute trenbide zaharretik, eta tunela ere igaro beharko dute. Hori dela-eta, Arizmenditik gomendatu dute linterna eroatea. Ibilaldia egitearekin batera, auzoan hainbat joko izango dituzte eskura, hala nola, baloi errea edo tiragoma.
Pilota
Horrez gain, Marinen pilotalekua dutenez, pilotan ere jokatu ahal izango dute umeek. Eta urtero moduan, ipuin kontaketa ez da faltako; elizan izango da hori. Jaialdiari amaiera emateko txokolatea banatuko dute.
Elizateak ezagutzeko asmoz egiten dute urtero irteera Arizmendikoek. Dagoeneko bi bider bisitatu dituzte Eskoriatzako zazpi elizateak.