Bihar, zapatua, hasiko dira ekintzekin: 09:30ean, plazan elkartuko dira inguruko mendietara joateko; perretxikoak ezagutzeko eta biltzeko asmoa dute. Egun berean, baina arratsaldean, perretxikoen sailkapena egingo dute. Aurten ere Errotari Elkarte Mikologikoaren laguntza izango dute. Goizean batutako perretxikoez gain, elkartekoek ekarritako beste perretxiko mota asko sailkatuko dituzte 16:30etik, kultura etxean. Koldotxotik nabarmendu dute edozeini dagoela zabalik hori.
Marrazketa txapelketa
Etzi, domeka, ostera, sailkatutakoa ikusteko aukera izango dute eskoriatzarrek: 12:00etatik 14:00etara, perretxiko erakusketa egongo da ikusgai, plazan. Horrez gain, umeendako marrazketa txapelketa egingo dute, perretxikoak gaia moduan hartuta; eta asmakizun jokoa ere izango da, perretxikoak ezagutzen ikasteko. Jatekoa ere ez da faltako, talo eta pintxoak gertatuko dituzte-eta Koldotxo elkartekoek.