Eskoriatzako garagardo festa azken txanpan sartu da

Garagardo festa azken txanpan sartu da, hala ere, bi egunek askorako eman dute eta jende dezente bildu da karpa inguruan garagardoaz eta janaz gozatzera.

Egubakoitzean ekin zioten zazpi garagardo mota, ukondo eta saltxitxak zerbitzatzeari, eta hori gutxi balitz, zuzeneko musika izan zuten bidelagun gerturatutakoek. Malenkonia, Eko D Bull eta Bagauda taldeek girotu zuten iluntzea eta gaua. Atzo ordea, PLC & The Politics taldeak jendez goraino zegoen karpan jo zuen. Izan ere, afaltzeko ordua heldu ahala, garagardo-zalez bete zen karpa eta janari alemaniar jan tipikoa non nahi ikusi zitekeen. Arratsaldean ere, garagardoa egiteko erakustaldia egin zuten, hala ere, berau edateko hilabete itxaron beharko dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.