Interesa dutenak kultura etxeko Gazteria Zerbitzuan edo herriko ikastetxeetan apuntatu behar dira; horretarako matrikula 10 eurokoa da. Gazteria Zerbitzutik jakinarazi dute, gehienez, 10 gurasoko taldea osatuko dela.
Hain justu, asmoa da haurtzaroan sakontzea; hausnarketa gunea eraikitzea, elkar laguntzeko eta haurren bizitza kalitatean eragiteko. Antolatzaileek azaldu dute saioek izaera dinamikoa izango dutela, eta Huheziko Hazitegi proiektuko partaideek eskainiko dituztela.
Elkargunea hamabostean behin elkartuko da, eguenetan, 18:00etatik 19:30era, Ibarraundi museoan. Saioak urriaren 24an hasi eta abendura arte izango dira.