Garaipena erdietsi du Eskoriatzak ligako lehenengo partiduan

Kukuiaga Etxebarri taldea izan du aurrez aurre Eskoriatza K.E. areto futboleko taldeak ligako lehenengo partiduan eta 5 eta 2 irabazi du etxean jokatutako norgehiagoka. "Oso kontzentratuta irten gara eta partidu ona jokatu dugu",  azaldu du Narciso Pavo entrenatzaileak amaieran.

Taldea indartsu dagoela ikusi ahal izan dute Eskoriatzako Manuel Muñoz kiroldegira bertaratutakoek. Gustura aritu dira etxeko jokalariak ligako lehenengo partiduan eta 3 goletako aldearekin amaitu dute gaurko eguna. Joko bizia erakutsi dute bi taldeek, baina etxekoek asmatu dute gehien baloia aurkariaren atean sartzen.

Epaileek nahiko partidu garbia izan dela eman dute aditzera amaieran. "Txartelen bat ikusi den arren, orokorrean nahiko jokaldi garbiak egin dituzte bi taldeek. Noski, ligako aurrenekoa da, eta giroa ez dago bero orandik".

Eskoriatza K.E.ko goleatzaileak Aratz Kortazar (1), Julen Ibabe (1), Jorge Mora (1) eta Richard Hidalgo (2) izan dira.

Mailaz igotzea aurtengo erronka

Gaur eginiko lanarekin pozik azaldu dira etxeko jokalari eta entrenatzaileak. "Oso ondo moldatzen gara gabiltzan mailan, baina asmoa, urte ona egin eta sailkapeneko lehenengo hiru postuetan geratzea izango litzateke, mailaz igotzeko aukera errealitatea izan daitekeela uste dugu eta".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.